ក្រោយពីលឺរឿងប្ដីក្បត់ប្រពន្ធលួចមានស្រីមក តាមពិតរឿងនេះមិនមែនរឿងថ្មីក្នុងសង្គមខ្មែរទេ តែនៅពេលដែលខ្ញុំលឺពីមនុស្សដែរខ្ញុំស្គាល់ អារម្មណ៏ខុសប្លែកពីមុន ។ សំដីចេញពីប្រុសជាប្ដីរៀបការជាង ២០ ឆ្នាំ មានកូន ៣ នាក់ គាត់ថា ប្រុសប្រុសដូចតែគ្នាទេ គ្មាននរណាស្មោះត្រង់មួយទល់មួយទេ កុំអោយតែគេយកជាប់ ស៊ីនំហើយអោយលុយល្អហើយ។ បើប្រុសនិយាយថា គ្មានស្រី ស្មោះតែអូនមួយ ពាក្យនោះមិនពិតទេ តើប្រពន្ធចង់ស្ដាប់ពាក្យកុហក រឺ ពាក្យពិត។ សួរថា តើមានប្រពន្ធណាចង់លឺថាប្ដីមានស្រីនោះ? ពិភពលោកនេះ ពិតជាអយុត្តិធម័សំរាប់មនុស្សស្រីណាស់ ។ មនុស្សចិត្តក្បត់ប្ដី ជារឿងដ៏អាក្រក់ ចំណែកប្ដីក្បត់ប្រពន្ធជារឿងធម្មតារបស់មនុស្សប្រុស ។
គិតដល់រឿងគ្រួសារខ្ញុំវិញ ខ្ញុំតែងតែទុកចិត្តលោកប្ដីខ្ញុំណាស់ ទោះគាត់មានការងាររវល់ ខ្ញុំមិនដឹងគាត់ទៅជួបនរណាគេខ្លះ គាត់តែងតែមកផ្ទះយប់ជ្រៅ ពេលខ្លះចុះទៅខេត្ត តែខ្ញុំនៅតែមានភាពជឿជាក់លើគាត់ តែខ្ញុំខ្លាចបើថ្ងៃណាមួយការទុកចិត្តខ្ញុំក្លាយជាការមិនពិត តើពេលនោះខ្ញុំគិតយ៉ាងម៉េចទៅ? ខ្ញុំតែងតែប្រាប់ខ្លួនឯងថា បើថ្ងៃណាមួយគេមានស្រីផ្សេង ខ្ញុំមិនអាចលើកទោសអោយគេបានទេ សូម្បីតែមួយដង ព្រោះខ្ញុំគិតថាទោះជាខំត្រដរ ក៏មិនមែនជាសេចក្ដីរបស់ខ្ញុំដែរ ពួកយើងទាំងពីរមិនមែនការដោយសារឪពុកម្ដាយចាប់ជល់ គឺ រៀបការដោយក្ដីស្រលាញ់ ហើយរយៈពេលកន្លងមកយើងបានឆ្លងឩបគ្គសជាមួយគ្នាច្រើនណាស់ ទំរាំមានថ្ងៃនេះ។ តើខ្ញុំអាចធ្វើបានទេ បើមានថ្ងៃនោះមែន ឥឡូវខ្ញុំមិនមែនខ្លួនមួយទៀតទេ ខ្ញុំមានកូន ហើយកូនត្រូវមានសុភមង្គលពីឪពុកម្ដាយ ពេលខ្លះអត់ចង់ស្ដាប់ទេ តែពេលលឺពីគេហើយ គួរអោយខ្លាច។
គេថាចង្អៀងផ្ទះនរណា ភ្លឺផ្ទះនាក់នោះ ។ ខ្ញុំសង្ឃឹមថាប្ដីខ្ញុំខុសពីប្ដីអាក្រក់ដទៃទៀត គាត់ប្រាកដជាស្មោះជាមួយខ្ញុំ ព្រោះទឹកចិត្តដែលខ្ញុំស្រលាញ់គាត់ គឺធំធេងណាស់ ស្មើនឹងជីវិតរបស់ខ្លួនឯង ។ អ្នកទាំងអស់គ្នាតែងតែនិយាយថា ប្ដីខ្ញុំសង្ហា មានថានះ មានលុយ និង សំភារះនិយម ចំណែកខ្ញុំវិញ មិនដឹងអ្នកទាំងអស់គ្នាយល់ឃើញម៉េចទេ។ តែខ្ញុំជឿជាក់ថាប្ដីខ្ញុំស្រលាញ់ខ្ញុំព្រោះខ្ញុំជាខ្ញុំ តាំងពីដើមមកខ្ញុំមិនមែនជាស្រីស្អាតទេ។
ខ្ញុំប្រហែលជាយករឿងគេគិតច្រើនពេកហើយ ។ មនុស្សស្រីអើយ ហេតុអ្វីចាំបាច់មានភាពភយ័ខ្លាចរឿងនេះ ?
គិតទៅប្ដីខ្ញុំ គាត់ល្អជាមួយខ្ញុំ ទោះមិនគ្រប់ដប់ ក៏គាត់ធ្វើអោយខ្ញុំជាមនុស្សដែលសំណាងជាងគេដែរ គាត់តែងតែកំដរខ្ញុំពេលដែលគាត់មានពេល ប្រឹងប្រែងសំរាប់គ្រួសារ អោយខ្ញុំមានកិត្តិយស និង មិនបាច់ខ្វល់ពីការរកលុយ។ គាត់ថ្មមខ្ញុំពេលខ្ញុំមានកូន គ្រប់យ៉ាងសុទ្ធតែបង្ហាញពីក្ដីស្រលាញ់ អញ្ចឹងហើយខ្ញុំនៅខ្វល់អីទៀត?
ខ្ញុំមិនដឹងនិយាយជាមួយនរណាគេ មានតែទីនេះ អាចនិយាយពាក្យចេញពីចិត្តបាន។
